skip to main |
skip to sidebar
باسم الله الرحمان الرحيم
واحد السيد بغا يدير راسو عايق كان عندو CBR (موطور) لبس جاكيطة فيها سريفة اوقلبها رد السرفة للمور ضهرو وغادي مكسيري بداك الموطور واحد الساعة خرجات ليه طوموبيل على غفلة وضرباتو اوطاح سخف اونعس على كرشو نزل مول الطوموبيل مخلوع اوشاف السرفة الفوق اوراس ديال خينا ايصحاب ليه تعوج ليه راسو هوا يبغي يردو لبلاصتو بزز اوطرطق ليه عنقو نيت بالصح.
واحد خينا معكاز واقف كايساين شي طاكسي توقف واحد الشوية دازت وحدة وقفها والاكين مشات بعدات واحد الشوية تقريبا 6 مترو كاليه مول الطاكسي ركب قاليه المعكاز رجع راه تما لاش غادي انا
واحد السيد لقا واحد المقراش هزو هوا يخرج ليه واحد الجن قاليه الجن طلب لي بغيتي قال ليه بغين نعيش فشي قصر قاليه الجن لقيتو بعدا راسي 50عام وانا ساكن فمقراش.
واحد الامير خرج باش ايصيد الغزلان معا الخدم ديالو واحد الشويا خرج ليهوم الاسد دوك الخدم خايفين اوكايقولو للامير ; اقتله يا سيدي انت هو الاسد يمكنك ان تفعلها انه يقترب يا سيدي اقتله فانت القوي .شافو الاسد صافي باغي ايقتلهوم. دوك الخدم بالخلعة كايقولو للامير: يا مسخوط الواليدين قتلو يا ولد الحرام سربي دابا يقصيك.
واحد السيد كاخاف من مرتو كايصبن ويسيق ويخمل...لموهيم طلع ليه الدم هوا يمشي عند واحد صاحبو باش يلقا ليه شي حل صاحبو قاليه ملي دخل لدار دير راسك مقلق وغوت عليها غادي تخاف منك ... السيد حل باب الدار وزدحو (زدااح) وغوت على لمرا : فاطماااااااااا.! قالتلو : ماللنا على لغوات قال ليها:كاينين شي ميعنات.!
واحد الفلاح تزوج بواحد استادة ديال الانجليزية فاقو بالصباح قالت ليه صباح الخير يا زوجي العزيز قال ليها انعل بوك اوبو النجليز.!لا تمر مرور الكرام اثبت وجودك
شكرا وارجو ان تنال اعجابكم.
0 التعليقات:
إرسال تعليق